Shitet koleksioni më i madh i fotografive të ikonës hollivud

Një nga koleksionet më të mëdha të fotografive të ikonës Marilyn Monroe është shitur i tëri në shtëpinë e ankandeve Christie në Nju Jork. Koleksioni përfshinte edhe një fotografi që i është bërë legjendës së ekranit përpara se të vdiste. Një fotografi e realizuar nga Bert Stern ka dyfishuar shifrën e shitjes prej 63 mijë dollarëve amerikanë sa është shitur më 1994. Mbrëmë ajo është shitur me një çmim prej 120 mijë dollarëve amerikanë pa përfshirë taksat. Çmimi i shitjes, përfshirë taksat, ishte 146 mijë e 500 dollarë amerikanë. Një tjetër fotografi “One Grey Marilyn” nga Andy Warhol është shitur për 290 mijë e 500 dollarë. Në këtë koleksion fotografët paraqesin Monroe-n nga një vajzë e re dhe e matur në një legjendë problematike të ekranit. Koleksioni përfshinë fotografi të realizuara nga Andre de Dienes, i cili konsiderohet faktori kyç në nxitjen e karrierës së Monroe-s prej një modeleje e më pas edhe prej një ylli. Të tjera fotografi të ikonës janë bërë edhe nga Elliott Erwitt gjatë xhirimeve të filmit “The Seven Year Itch”. Koleksioni është shitur nga Christie për Leon dhe Michaela Constantiner, çift i cili filloi të blinte fotografi të ikonave në fillim të viteve 90t’. Ankandi përfshinte grupin më të madh të fotografive të Monroe-s të shitura ndonjëherë, përafërsisht ai numëron 100 sosh. Koleksioni do t’u dorëzohet blerësve sonte në mbrëmje.

» Zanfina Ismajli - Gabim i madh