Një bullgare vjedh këngën e Greta Koçit

Titulli: Një bullgare vjedh këngën e Greta Koçit Tue Feb 26 2008, 17:47

Jo vetëm shqiptarët vjedhin, por edhe bullgarët kanë filluar të huazojnë këngët pa asnjë të drejtë. Një gjë e tillë ka ndodhur edhe me këngëtaren Greta Koçi, e cila pretendon se i është "grabitur" krijimi i saj, nga një këngëtare bullgare e quajtur Emanuela.

Siq e dimë kengetarja nga Shqipëria ka pasur mjaft sukses me këngën "Një herë PO,Një herë JO" .Nga ky sukses është munduar të përfitojë edhe këngëtarja bullgare Emanuela, e cila ka publikuar së fundi versionin bullgar të këngës së Greta Koçit, “Një herë po, një herë jo”.

Këngëtarja ka huazuar këtë këngë pa asnjë lloj të drejte autori, madje ka realizuar edhe videoklip, i cili transmetohet në Bullgari. Kjo çështje ka shtuar akoma më shumë suksesin e Gretës në këtë shtet dhe diskutimet rreth saj janë shtuar. Nëpër forume muzikore në internet komentohet më së shumti kënga e cila i është vjedhur Emanuelës. Mirëpo, faktet tregojnë të kundërtën. Greta e ka publikuar këtë këngë në vitin 2006, ndërsa Emanuela në vitin 2007, pra më vonë.