Eliza Dushku, e zhveshur në filmin e ri The Alphabet Killer

Deri më sot nuk e kemi parë asnjëherë të zhveshur, por aktorja me origjinë shqiptare Eliza Dushku duket të ketë vendosur të thyej këtë tabu. Në filmin e saj të ri “The Alphabet Killer”, 28-vjeçja në disa skena paraqitet e zhveshur.
Në këtë triler, Eliza interpreton rolin e një agjenteje të policisë, e specializuar në fotografimin e skenave të krimit. Por problemi i saj është se përndiqet nga shpirtrat e viktimave të së shkuarës, që nuk e lënë të qetë, derisa zbulohet vrasësi.
Eliza njihet kryesisht për interpretimin e roleve në filma horrorë. Ka qene regjisori Rob Schmidt ai që e ka bërë aktoren të ndryshojë mendje dhe ta heqë turpin që deri më sot e kishte penguar atë të shfaqej nudo.Aktorja me origjinë shqiptare ka qenë në vizitë edhe në Kosovë dhe Shqipëri, me ç’rast kishte treguar se në qafë ka tatuazh një shqiponjë.