Diellza Kolgeci gjatë fundjavës në Zvicër

Titulli: Diellza Kolgeci gjatë fundjavës në Zvicër Tue Dec 09 2008, 21:20

Modelja, disenjatorja, aktorja dhe këngëtarja, Diellza Kolgeci, është parë me të dashurin e saj, basketbollistin e njohur kosovar Edis Kuraja të premten ( 5 dhjetor) në Aeroportin Ndërkombëtar të Prishtinës. Burime brenda KTV-së që e kanë parë këtë dyshe në aeroport, kanë thënë se Edisi po e shoqëronte Diellzën, duke i ndihmuar në mbajtjen e valixheve, përderisa Diellza po nisej për në Zvicër. Po ashtu është mësuar se arsyeja e shkuarjes së Diellzës në Zvicër ka qenë pjesëmarrja e saj në një organizim të diskotekës “Ulpiana”. Kolgeci lidhjen e saj me Kurajën e pati konfirmuar kohë më parë pikërisht në Kohavision, në një intervistë dhënë emisionit veror “Flladi Veror”. Përderisa ajo fliste për lidhjen e saj me Edisin, ka treguar se basketbolli është njëri nga sportistët e preferuara të saj, por që fatkeqësisht për shkak të obligimeve të shumta, nuk është shpesh e pranishme në ndeshjet në të cilat paraqitet i dashuri i saj, Edis Kuraja.