Surprizat e Gentës...

Titulli: Surprizat e Gentës... Tue Jul 15 2008, 17:48

Këngëtarja Genta Ismajli, e cila dallohet për energjinë dhe vallëzimin në skenë shumë shpejt do të sjellë risi në skenë muzikore të vendit. Më 17 të këtij muaji, ajo do të nxjerrë në shitje albumin e ri, të katërtin me radhë. CD-ja do të përmbajë tetë kompozime të reja, në mesin e tyre këngë ritmike, por edhe balada. I dashuri i Gentës, Milot Binaku, që është menaxher i saj, për “Express Summer” ka bërë të ditur se me këtë album Genta vjen me disa ndryshime, të cilat ai i quajti “të kohës”. Enis Presheva, Virusi e Avni Qahili janë vetëm disa nga bashkëpunëtorët e këngëtares. Për njërën nga këngët e albumit, Genta ka bashkëpunuar me një amerikan, për ç’gjë Miloti nuk ka dhënë tjera detaje duke e lënë befasi për publikun, ashtu siç nuk dha informacione tjera për një surprizë tjetër të këngëtares, duke e lënë që të zbulohet më 17 korrik, kur krahas promovimit të albumit, Genta do të mbajë edhe një konferencë për shtyp. Pas albumit, këngëtarja do të shfaqë edhe videoklipin e këngës së realizuar në versionin anglisht “Planet Me”.