historia e katërshes fantastike suedeze

ImageNjë muze dedikuar grupit suedez të popit ABBA do të hapet këtë qershor në Stokholm. I frymëzuar nga muzeu i Beatles në Liverpul, muzeu i "katërshes fantastike" suedeze do të jetë tre kate, duke u dhënë mundësinë njerëzve të eksplorojnë pjesë të ndryshme të famës së grupit, që nga triumfi në Eurovizion dhe karriera vit pas viti. Kjo e rikthen dhe njëherë në qendër të vëmendjes grupin legjendar pas disa muajsh, kur emri i tyre u bë protagonist në media për shkak të vdekjes aksidentale të batistit të tyre 61-vjeçar, Ola Brunkert. Por, ku ndodhen sot katër pjesëtarët e famshëm të grupit, si lindi ABBA dhe historitë e dashurisë mes dy çifteve të grupit?

Historia e ABBA-s

Historia e ABBA filloi në vitin 1966, kur Bjorn Ulvaeus u takua me Benny Andersson për herë të parë. Bjorn ishte anëtar i grupit muzikor "Hootenanny Singers", një grup muzikor folku, ndërkohë që Benny luante në organo me grupin më të madh të popit në Suedi "The Hep Stars". Ata të dy shkruan këngën e tyre të parë bashk atë vit dhe në fund të dekadës kishin vendosur një marrëdhënie të rregullt si kompozitorë. Në atë kohë, Benny ishte larguar nga grupit "The Hep Stars". Në pranverë të vitit 1969, Bjorn dhe Benny takuan dy femra, të cilat do të bëheshin jo vetëm të fejuarat e tyre, por edhe gjysma tjetër e grupit. Agnetha Faltskog ishte një këngëtare e suksesshme solo që prej debutimit të singëllit të saj të parë në vitin 1967. Ajo dhe Bjorn u martuan në korri8k të vitit 1971. Anni-Frid Lyngstad, e njohur si Frida e kishte filluar karrierën e saj muzikore pak përpara Agnetha-s. Benny dhe Frida u martuan në tetor të vitit 1978. Fillimisht, të katër anëtarët bashkëpunuan duke kontribuar me këngë apo me instrumentet, duke ndihmuar në produksion apo si zë i dytë në regjistrimet që bëheshin solo. Në vitin 1970, tingulli tërheqës i katër zërave të tyre u dha idenë që të vinin në skenë një pjesë kabareje "Festfolk". Përpjekja e parë dështoi, por në pranverë të vitit 1972 ata krijuan një këngë të quajtur "People need love", e cila fitoi njëfarë fame në Suedi. Në atë kohë ato quheshin Bjorn & Benny, Agnetha & Anni-Frid.

Pjesëmarrja në Eurovizion

Ato morën pjesë në konkursin suedez për përfaqësimin në Eurovizion, në vitin 1973 më këngën "Ring Ring". Ato dolën të tretët, por albumi me të njëjtin titull u bë hit në shumë vende të Evropës. Grupi hyri në konkursin për në Eurovizion sërish vitin tjetër, kësaj radhe me këngën "Waterloo", e cila i çoi në Angli. Kësaj radhe ato e bënë emrin e grupit të tyre "ABBA", akronim i katër emrave të tyre. Festivali i këngës evropian "Eurovision" u mbajt me 6 prill, 1974 dhe rezultoi të ishte një prej momenteve më të famshme të historisë së ABBA-s, kur grupi fitoi vendin e parë. Menjëherë pas këtij triumfi "Waterloo" ishte në vend të parë në gjithë vendet e Evropës dhe madje arriti në top-dhjetëshen amerikane. Albumi me të njëjtin titull ishte një hit në Suedi. "Mamma Mia" është gjithashtu një hit tjetër i ABBA, i cili i çoi ato në vend të parë në Britaninë e Madhe dhe Australi. Vitit 1976 ishte koha kur ABBA u stabilizua plotësisht si një prej grupeve më popullorë në botë. Në fund të këtij viti, ABBA hodhi në treg albumin e katërt, "Arrival". Albumi kryesoi në gjithë paradat muzikore me hitet si "Money, Money, Money" dhe "Knowing me, knowing you". Kjo u pasua nga një tur koncertesh në Evropë dhe Australi në vitin 1977. Singëlli tjetër i famshëm "Gimme, gimme, gimme (A man after midnight)" doli në vjeshtë të vitit 1979 duke koinciduar me një turne në Kanada, SHBA dhe Evropë. Në mars të vitit 1980, ABBA bëri një turne në Japoni, i cili rezultoi koncerti i tyre i fundit live. Në shkurt të vitit 1981 imazhi i grupit të përbërë prej çifte të lumtura u shkatërrua kur dy çiftet njoftuan divorcet e tyre. Ato vazhduan të punojnë së bashku. Por në fund të vitit 1982, ata vendosën të ndaheshin, të paktën përkohësisht.
"Ringjallja"
Pas më shumë se dy dekadash nga "ndarja e përkohshme" e ABBA-s nuk ka pasur ndonjë ribashkim të tyre. Por muzika e grupit vazhdon të jetojë; vitet '90 u përballën me një ringjallje të madhe të hiteve të tyre, me shumë filma që përdorën këngët e ABBA-ve si kolona zanore, duke tërhequr jo pak vëmendje. Në vitin 1999, në Londër u zhvillua premiera e "musical-it" të famshëm "Mamma Mia!", bazuar në këngët e ABBA. "Musical-i" vazhdoi dhe në Broduei e sot është një ndër më popullorët në botë, i parë nga më shumë se 30 milionë njerëz. Në pesë vjetorin e këtij "musical-i" në Londër, në vitin 2004, ishin të pranishëm Bjorn, Benny dhe Frida, ndërkohë që premiera suedeze në shkurt 2005 u ndoq nga të katër anëtarët e grupit.

Agnetha Ase Faltskog-Ulvaeus
Datëlindja: 5 prill 1950
Ngjyra e flokëve: Bjonde
Ngjyra e syve: Blu
Kuzhina e preferuar: Kineze
Ngjyra e preferuar: Blu dhe e kuqe
Hobi: Muzika dhe noti
Grupi i preferuar: Beach Boys, Eagles, etj.
Influencuar nga: Beatles
Gjatësia: 1.72 metra
Pesha: 56 kilogramë
Pija e preferuar: Uiski

Ku ndodhet tani

Faltskog krahasohet vazhdimisht me Greta Garbo-n për shkak të përbuzjes së tyre ndaj të qenit në qendër të vëmendjes. Në një intervistë 30-minutëshe në një televizion suedez në vitin 2004, ajo tha se krahasimi me Garbo-n ishte produkt mediatik, për shkak të ndrojtjes së saj dhe ankthit nga shfaqjet publike. Në intervistë, Faltskog gjithashtu theksoi se nuk e konsideron gjuhën e saj angleze të mjaftueshme për të dhënë një intervistë. Ajo gjithashtu ka frikë nga fluturimi me avion dhe ka rrëfyer se nuk ka hipu në avion prej 15 vitesh. Kur shkon jashtë vendit, ajo preferon të udhëtojë me makinë. Ajo jeton në një ishull pranë Stokholmit, larg atmosferës së zhurmshme të qytetit.


Bjorn Christian Ulvaeus
Datëlindja: 25 prill 1945
Ngjyra e flokëve: Bjonde e errët
Ngjyra e syve: Blu
Kuzhina e preferuar: Franceze
Ngjyra e preferuar: Blu
Hobi: Muzika, varkat
Grupi i preferuar: Eagles
Influencuar nga: The Beatles
Gjatësia: 1.76 metra
Pesha: 61 kilogramë
Arsimimi: Studioi një vit për drejtësi
Pija e preferuar: Rumi dhe koka-kola

Ku ndodhet tani

Pas ndarjes me Agnetha-n, Bjorn u martua me gazetaren e muzikës, Lena Kallersjo, më 6 janar 1981. Nga kjo martesë erdhën në jetë dhe dy vajza të tjera. Aktualisht, Ulvaeus dhe Kallersjo jetojnë në Stokholm. Nga viti 1984 deri në vitin 1990 ata jetuan në Britaninë e Madhe, ku Bjorn kishte një biznes familjar me vëllain. Bjorn është gjithashtu një prej tre personave që kanë në pronësi "NoteHeads", një kompani suedeze, e cila boton programin e komenteve muzikore "Igor Engraver". Ulvaues është anëtar i organizatës "International Humanist and Ethical Union" dhe mori çmimin vjetor "Hedenius-priset" në vitin 2006.


Anni-frid Lyngstad
Datëlindja: 15 nëntor 1945
Ngjyra e flokëve: E kuqe - kafe
Ngjyra e syve: Jeshile
Kuzhina e preferuar: E Karaibeve
Ngjyra e preferuar: Jeshile dhe e verdhë
Hobi: Muzika, jahtet dhe leximi
Grupi i preferuar: 10ç
Influencuar nga: Beatles
Gjatësia: 1.72 metra
Pesha: 57 kilogramë
Pija e preferuar: Skoç

Ku ndodhet tani

Më 26 gusht 1992, Lyngstad u martua me princin Heinrich Ruzzo Reuss. Princi u nda nga jeta në vitin 1999, ndërkohë që një vit më parë vdiq në një aksident me makinë në SHBA dhe vajza e saj, Lise-Lotte Casper. Nëpërmjet martesës me princin Heinrich, i cili ishte student në të njëjtën shkollë me konvikt me mbretin e Suedisë, ajo ka krijuar miqësi me familjen mbretërore suedeze. Ajo u bë mike e ngushtë me mbretëreshën e Suedisë, Silvia. Sot, Anni-Frid merret me bamirësi dhe çështje ambientaliste në veçanti. Në vitin 2005 ajo theksoi në një intervistë se nuk kishte aspak interes në një karrierë muzikore, por 15 muaj më vonë u kthye në studion e regjistrimit.


Benny Andersson
Datëlindja: 16 dhjetor 1946
Ngjyra e flokëve: Bjonde e errët
Ngjyra e syve: Blu
Kuzhina e preferuar: Polineziane
Ngjyra e preferuar: Blu, e kuqe, e verdhë
Hobi: Muzika, jahtet, leximi
Grupi i preferuar: The Beatles
Influencuar nga: Gjyshi
Gjatësia: 1.80 metra
Pesha: 75 kilogramë
Pija e preferuar: Birra dhe uji

Ku ndodhet tani
Andersson aktualisht luan muzikë folk, që prej viteve '90 me bandën e tij muzikore "BAO; Benny Anderssons Orkester". Banda përbëhet nga 16 muzikantë, me lokaliste Helen Sjoholm dhe Tommy Korberg, nganjëherë me tekste të shkruara nga ish-partneri i tij muzikor dhe miku i tij i 40 viteve, Bjorn Ulavaues. Grupi muzikor "BAO!" së fundmi ka arritur një rekord të ri në Suedi, në paradën muzikore "Svensktoppen", duke qëndruar aty për 184 javë. Grupi qëndroi në krye të listës deri më 15 janar të vitit 2008 me këngën "Du ar min man" (Ti je burri im), e kënduar nga Helen Sjoholm.

Agnetha dhe Bjorn

Më 6 korrik 1971 Bjorn dhe Agnetha u martuan mes qindra miqve dhe fansave të tyre. Ata patën dy fëmijë, Linda Elin Ulvaues, 1973 dhe Peter Christian Ulvaues, 1977. Çifti vendosi të ndahej në fundtë vitit 1978 dhe Agnetha iku nga shtëpia e tyre e përbashkët natën e Krishtlindjeve të atij viti. Në vitin 1979, çifti bëri kërkesë për divorc, i cili i finalizua në qershor të vitit tjetër. Ata ranë dakord që divorci i tyre të mos ndërhynte në përgjegjësitë që ato kishin në grupin ABBA. Faltskog u martua për herë të dytë në dhjetor 1990, me një kirurg të quajtur Tomas Sonnenfeld