Ndahen çifti Soni dhe Flori

Çifti i këngëtarëve nga Shqipëria Soni Malaj dhe Florian Mumajesi i kanë dhënë fund lidhjes së tyre këtyre ditëve. Këto janë thashethemet më të fundit që qarkullojnë nëpër ueb-faqe të ndryshme shqiptare por edhe nëpër kafe baret e Tiranës. Dyshja e patën bërë publike lidhjen mes tyre gjatë prezantimit në festivalin “Kënga Magjike” të mbajtur vjet në Tiranë, madje ata i patën dhuruar spektatorëve edhe një puthje të “fortë” televizive. Ende nuk dihet motivi i ndarjes së çiftit e në të njëjtën kohë nuk dihet nëse është një ndarje serioze apo vetëm një grindje e vogël mes tyre e cila mund të rregullohet. Që kur çifti kanë bërë publike lidhjen e tyre i janë adresuar thashetheme nga më të ndryshmet të cilat asnjëherë nuk janë përgënjeshtruar nga çifti deri në paraqitjen e Soni Malajt në një intervistë me shou-menin e njohur shqiptar Adi Krasta ku këngëtarja pati deklaruar se “lidhja mes nesh është perfekte”. Mbetet të shpresojnë që çifti i cili konsiderohej të jetë më simpatiku në shou biznesin shqiptar të ribashkohen.