Bëhen të ditur të nominuarit e VideoFest 2008

Vikendi për jurinë e sivjetme të shpërblimeve video-muzikore “Video-festi muzikor” ka qenë mjaft i vështirë. Nga 180 video-klipe vetëm 31 prej tyre juria ka nominuar në 15 kategori të ndryshme të shpërblimeve videomuzikore. Listën e të nominuarve të sivjetmë e kryesojnë videoklipet e këngëve “Ah femrat” nga The Skillz dhe “Mamës” nga Elvana Gjata, duke u nominuar në 6 kategori secili. Ndërsa në 5 kategori është nominuar videoklipi i këngës “Auto-Stop” i këngëtares Kaltrina Selimi. Të tri këto videoklipe, bashkë me atë të këngës “31 october”, kënduar nga Elia Zaharia, janë të nominuara për çmimin kryesor të mbrëmjes, atë “Videoklipi më i mirë i vitit”.

Videospoti i këngës “Ah femrat” është nominuar edhe në kategoritë: “Videospoti më i mirë në konkurrencën e grupeve”, “Videospoti më i mirë Rap hip-hop” dhe “Videospoti me regjinë më të mirë”.

Ndërsa ai i “Mamës”, i këngëtares nga Shqipëria, Elvana Gjata, përveç tjerash është nominuar edhe në kategoritë “Vidoklipi më i mirë në konkurrencën e femrave”, “Videoklipi më i mirë RnB” dhe “Videoklipi me regjinë më të mirë”.

Videoklipi i këngës “Autostop” është nominuar edhe në kategoritë: “Videoklipi më i mirë në konkurrencën e femrave”, “Videoklipi me regjinë më të mirë” dhe “Stylingu më i mirë”.

Të nominuarit në kategorinë “Videoklipi më i mirë ndër këngëtarë” janë videoklipet e këngëve: “Eklips” – Alban Skënderaj, “Maraton” – Berkani, “Se pranon” – Shpat Kasapi dhe “Më mungon” – Adrian Gaxha.

Përveç “Mamës” dhe “Autostop” në kategorinë videoklipi më i mirë ndër këngëtare garojnë edhe videoklipi i këngës “Hajde Sonte” i këngëtares Eliza Hoxha dhe ai i “31 october” i këngëtares Elia Zaharia.

Ndërkohë në konkurrencën e grupeve, videoklipi “Ah femrat” është në garë me vidoklipin e këngës “All night” të “Etno Engjujt”, të këngës “E di” nga “Gillespie” dhe atë të këngës “As fejesa as martesa”, kënduar nga NRG Band dhe Orinda Huta.

Në zhanrin pop të nominuar janë videoklipet “Hajde Sonte” i Eliza Hoxhës, “Mos më le” i Nora Istrefit, “Shko pastro pas saj” i Rona Nishliut dhe “Bileta” i Tunës.

Për shpërblimin “Videospoti më i mirë rap hip-hop” do të garojnë videoklipet e këngëve “Shopping”, “Ah femrat”, “Filma turqisht” dhe “All night”.

Në zhanrin rok të nominuara janë videoklipet e këngëve: “Eklips”, “E di”, “Më mungon” dhe “T’boj me rok”.

Në konkurrencën “Videiklipi më i mirë RnB” të nominuar janë: “Mamës” – Elvana Gjata, “Crazy” një bashkëpunim në mes të këngëtarëve Blero dhe Leonora Poloska dhe “Ex Relax”, një bashkëpunim i Vesa Lumës me Genc Prelvukajn.

Për “stajlingun më të mirë” të nominuar janë videoklipet: “Maratonë”, “Bileta”, “Autostop” dhe “Nga 1shi te 10-ta”.

Florent Boshnjakut, organizator artistik i “Video-festit”, ka bërë të ditur se tashmë janë bërë të gjitha përgatitjet e duhura sa i përket programit artistik që do të përmbajë “Video-festi” i sivjetmë.

Juria e “Video-Festit Muzikor 2008” me kryetar fotografin Afrim Spahiu, përbehet nga udhëheqës të produksioneve, regjisorë, drejtorë kreativë, gazetarë e montazherë.

Ceremonia e ndarjes së shpërblimeve vidomuzikore “Videofesti muzikor 2008” do të mbahet më 19 maj në Tetarin Kombëtar të Kosovës, së cilës do t’i prijë atmosfera mbi qilimin e kuq.