Longoria zotohet se do të mësojë frëngjishten

Longoria zotohet se do të mësojë frëngjishten


Eva Longoria, është zotuar se do ta mësojë gjuhën frënge deri në fund të vitit, pasi që dëshiron të jetë në gjendje të flasë me burrin e saj, yllin basketbollit, Tony Parker, në gjuhën e tij amtare.
“I jam betuar vetes time se do të jem në gjendje të flas kënaqshëm gjuhën frënge këtë vit. Do të duhej të kisha filluar tashmë t’ju them të vërtetën por, po kaloj ca kohë relaksimi dhe patrazuara dhe nuk dua të shqetësohem”, ka thënë aktorja .

“Por, dikur gjatë këtij viti, do të marr ca orë serioze të frëngjishtes, pasi që dëshiroj të jem e aftë ta kuptoj Tonyn, kur ai flet me familjen dhe miqtë e tij francez. Edhe pse Tony gjithmonë shërben si një përkthyes për mua, ndjehem ca e izoluar nga familja e tij dhe dëshiroj ta tejkaloj atë dhe të ndjehem e afërt me ta, duke e mësuar gjuhën”, ka shtuar Longoria.