Emma e çuditur për interesimin e paparacëve për Victorian

Këngëtarja,
Emma Bunton, është e shokuar nga "stuhia" e paparacëve që e ndjekin
vazhdimisht shoqen e saj, Viktoria Beckham, ngado që ajo shkon.Emma
dhe Victoria kanë qenë anëtare të hit-grupit të famshëm, “Spice Girls”,
megjithatë interesimi i gazetarëve dhe fotoreporterëve për Posh Spice u
bë i madh pas martesës së saj me superyllin e futbollit, David Beckham,
në vitin 1999.

Bunton as tani nuk mund ta kuptojë se pse tërheq aq shumë interesim ikona e modës.

“Isha në një restorant me Victorian, ndërsa të gjithë njerëzit e
shikonin atë duke u munduar që ajo t’i vërente. Ndërsa, për mua, ajo
është thjesht Victoria, shoqja ime, një nënë e mrekullueshme dhe një
vajzë shumë e mirë”, ka thënë Emma.